سياسة الإرجاع والاستبدال

نحن في Dunarom  كنحرصو باش نقدمو لعملائنا أحسن تجربة شراء ممكنة، وكنوفرو سياسة إرجاع واضحة وبسيطة.

✅ 1. حق المعاينة قبل الأداء

الزبون عندو الحق يشوف ويعاين المنتج قبل ما يخلص.
إذا ما عجبوش أو ما كانش مناسب ليه، يقدر يرفض الطلب بلا ما يخلص أي حاجة.

✅ 2. حق الإرجاع واسترجاع المال

الزبون عندو الحق يرجّع المنتج ويسترجع فلوسو إلا كان مازال ما تستعملش وبنفس الحالة لي توصّل بيها.

إذا عاين المنتج ولقاه ما مناسبش، يمكن ليه يرجّعو ويتسترجع المبلغ.

❗ 3. في حالة رغبة الزبون في الإرجاع بعد التوصيل

إلا بغى الزبون يرجّع المنتج من بعد ما توصّل بيه، خاصو يعطينا سبب مقنع بحال:

• المنتج وصل فيه مشكل مصنعي

• المنتج ماشي هو اللي طلب

• المنتج وصل ناقص أو فيه خلل

فهاد الحالة، كنقتاطعو 50 درهم فقط كمصاريف التوصيل والرجوع، وباقي الفلوس كيرجعو للزبون.

🚫 4. في حالة الرفض بدون سبب

إلا رفض الزبون التوصيل بلا سبب مقنع أو ما بغاوش يستقبل الطلب بعد ما توصل للعنوان، كنحتافظو بحقنا فاقتطاع 50 درهم كمصاريف الإرسال.

🚚 5. التوصيل

الليفرور ماشي من حقو يمشي خاوي، خاصو ضروري يكون معاه المنتج لتسليمه للزبون.
ممنوع يطلب الليفرور أنه يرجع خاوي بلا ما يعرض المنتوج على الزبون.

📦 شروط قبول الإرجاع

باش يكون الإرجاع مقبول، خاص المنتج يكون:

• فحالتو الأصلية

• ما مستعملش

• فيه التيكيات

• فالتغليف الأصلي

وخاص يكون عندك الإيصال أو إثبات الشراء.